နတ်ပြည်ကိုရော ငရဲကိုပါ ဒီလောကမှာပဲ သင် ဖန်တီးတာပါ
ဒီကမ္ဘာလောကကြီးမှာ သင် ငြိမ်းငြိမ်းချမ်းချမ်း ပျော်ပျော်ရွှင်ရွှင် နေချင်တယ်ဆိုလျှင် တစ်ခြား လူတွေကိုလည်း ငြိမ်းငြိမ်းချမ်းချမ်း ပျော်ပျော်ရွှင်ရွှင် နေခွင့်ပေးပါ။ ဒီကမ္ဘာကြီးဟာ အသက်ရှင် နေထိုင်ဖို့ ထိုက်တန်တဲ့ နေရာအဖြစ် သင် လုပ်နိုင်စေဖို့ပါ။ ဒီ ကောင်မြတ်တဲ့ စည်းကမ်း ဥပဒေတွေနှင့် အညီ နေထိုင်ဖို့ သင် မညှိမချင်း ဒီကမ္ဘာမှာ ပျော်ရွှင် ငြိမ်းချမ်းမှုကို သင် မမျှော်လင့်နိုင်ပါဘူး။ ဆုတောင်းနေရုံနှင့်တော့ ဘုရားသခင်ထံတော်ကနေ ပျော်ရွှင် ငြိမ်းချမ်းမှုကို ရဖို့ မမျှော်လင့်နိုင်ပါဘူး။
လူသားဂုဏ်သိက္ခာကို မြှင့်တင်ပေးခြင်းအားဖြင့် ကျင့်ဝတ် စည်းမျဉ်း စည်းကမ်းတွေနှင့် အညီ ပြုမူလျှင် ဤ မျက်မှောက် ဘဝမှာတင် သင့်ရဲ့ ကိုယ်ပိုင် ကောင်းကင်ဘုံကို ဖန်တီးနိုင်ပါတယ်။ တန်ဖိုးရှိတဲ့ လူ့ဘဝကို အလွဲသုံးစား လုပ်မယ် ဆိုလျှင်တော့ ဤ ကမ္ဘာမြေပေါ်မှာတင် ငရဲမီးကိုလည်း သင် ဖန်တီးနိုင်ပါတယ်။ အန္တာရာယ်ကင်းပြီး လေးစားဖွယ်ရာ လူ့ဘဝကို နေထိုင်ဖို့ လူတိုင်း ကြိုးစားကြမည် ဆိုလျှင် လူအချို့ သေပြီးသည့်နောက်မှ ရရှိဖို့ မျှော်လင့်ထားကြတဲ့ နတ်ချမ်းသာထက် ပိုကောင်းတဲ့ တကယ့် နတ်ချမ်းသာကို လူသားတွေ သုံးဆောင် ခံစားနိုင်ကြမှာပါ။
သုစရိုက်တရားအတွက် ဆုချဖို့ သို့မဟုတ် ဒုစရိုက်တရားအတွက် အပြစ်ပေးဖို့ရာ အခြား တစ်နေရာမှာ ကောင်းကင်ဘုံ (နတ်ပြည်) ဖန်ဆင်းဖို့ မလိုအပ်ပါဘူး။ ကိုးကွယ်တဲ့ ဘာသာတရားကို ထည့်သွင်းစဉ်းစားစရာ မလိုပဲ ကောင်းမှု မကောင်းမှုတွေဟာ ဒီဘဝမှာတင် ရှောင်လွှဲလို့ မရတဲ့ အကျိုးတရားတွေ ရှိပါတယ်။ သတ္တဝါအားလုံး အပေါ်မှာ သနားကြင်နာခြင်းသည်သာ ကောင်းကင်ဘုံ (နတ်ပြည်)ကို ဖန်တီးဖို့ တစ်ခုတည်းသော နည်းလမ်းဖြစ်ပါတယ်။ သည်းခံမှု၊ ကရုဏာတရားနှင့် အခြားသူများရဲ့ တိုးတက် ပျော်ရွှင်မှုကို အလေးထားမှုတို့ကို ပြုစုပျိုးထောင်ခြင်းဖြင့် လူ့အဖွဲ့အစည်းနှင့် လူသားရဲ့ ကောင်းကျိုးအတွက် စွဲမက်စရာ ကောင်းလှပြီး တောက်ပတဲ့ စံနှုန်း ရှိအောင်လုပ်လို့ ရပါတယ်။ အထင်ကရ ပုဂ္ဂိုလ်ကြီးတွေက ကျွန်ုပ်တို့ကို လမ်းပြပြီး ဖြစ်တဲ့အတွက် လူသားမျိုးနွယ် တစ်ရပ်အဖြစ် ဒီအဆင့်ကို ကျွန်ုပ်တို့ တက်လှမ်းခဲ့ကြတာပါ။ ကျင့်ဝတ်အရ အခြားသူများကို ကူညီခြင်းဖြင့် သင့်ကိုယ်သင် ကူညီရာ ရောက်သလို ကျင့်ဝတ်အရ သင့်ကိုယ်သင် ကူညီခြင်းဖြင့်လည်း အခြားသူများကို ကူညီရာ ရောက်ပါတယ်။
ဘုန်းဉာဏ်
No comments:
Post a Comment