 |
| မဟာရဋ္ဌာဘိသာမဂ္ဂီ စေတီတော်နှင့် ပြည်မတောင်တန်း ပူးပေါင်းရေးစာချုပ် ကျောက်တိုင် |
မနှစ်က (၂၀၁၀) က ပင်လုံကို အလည်ရောက်ခဲ့တယ်။ ထီတမောင်းရွာကအပြန်မှာ နောင်တရားဆိုတဲ့ မြို့ငယ်လေးကနေ တောင်ကြီး၊ အဲဒီကမှ ပင်လုံကို သွားခဲ့တာပါ။ မေလ (၂၉) ရက်နေ့မှာ ပင်လုံကို ရောက်ပြီး၊ ဂျွန်လ (၂) ရက်နေ့မှာ ပြန်လာခဲ့ပါတယ်။ ဒေသခံ ဦးဇင်းတစ်ပါးနှင့် လိုက်သွားဖြစ်ခဲ့တာပါ။ တစ်ခါမှ သေချာမမြင်ဖူးသေးတဲ့ ပြည်မ တောင်တန်း ပူးပေါင်းရေး ကျောက်တိုင်ကို မြင်ချင်တာကလဲ သွားလည်ချင်တာရဲ့ အကြောင်းတွေထဲက တစ်ခုဖြစ်ပါတယ်။ အဲဒီခရီးက မှတ်မိတာလေးတွေကို ဓာတ်ပုံလေးတွေနှင့် တွဲ၊ ပင်လုံ စာချုပ်အကြောင်း နဲနဲဖြည့်ပြီး မှတ်တမ်းတင်ထား လိုက်ပါတယ်။
 |
| ပင်လုံမြို့ (31st May 2010) |
ပင်လုံက လွိုင်လင်မြို့နယ်ထဲက မြို့တစ်မြို့ပါ။ တောင်ကြီးမြို့မှ (၆၄) မိုင် ကွာဝေးပြီး လွိုင်လင်မြို့နှင့်တော့ (၆) မိုင်သာ ဝေးပါတယ်။ တောင်ပတ်လည် ကာရံဝိုင်းထားတဲ့ ဒီမြို့လေးက နေချင်စဖွယ်ပါ။ ရှမ်း၊ ပအိုဝ်း၊ ဗမာ၊ ဓနု၊ ပလောင်၊ တရုပ်၊ တောင်ရိုး၊ ရှမ်းတရုပ်၊ ယင်း (ယန်)၊ ယင်းနက်စတဲ့ လူမျိုးပေါင်းစုံနေထိုင်ကြတယ်လို့ ဆိုပါတယ်။ ဒီထဲက ယင်းနက်လူမျိုး ဆိုတာကိုတော့ ကြားဖူးကြသူ နည်းမယ်ထင်ပါတယ်။
တောင်ပေါ်ဒေသမှာပဲ နေနေကြတဲ့ ယင်းနက်တွေက သူတို့ဘာသာ စကားပဲ ပြောဆိုကြပြီး သူတို့အဝတ် သူတို့ ယက်လုပ် ဝတ်ဆင်ကြဆဲ ဖြစ်တယ်လို့ ဒေသခံတစ်ယောက်က ရှင်းပြပါတယ်။ ပင်လုံနှင့် နီးတဲ့ အချို့ယင်းနက်လူမျိုး (ဥပမာ ကျူယုံရွာသူ ရွာသား) တွေက ရှမ်းစကားကို သင်လာကြ ပြောလာကြပြီး အဝတ်အစားလည်း ရှမ်းလိုပဲ ဝတ်ဆင်လာကြတယ်လို့ သူက ဆက်ရှင်းပြတယ်။
 |
| မဟာရဋ္ဌာဘိ သာမဂ္ဂီစေတီတော်ကြီးရဲ့ အနောက်ဘက်ခြမ်းက မြင်ရတဲ့ ပင်လုံမြို့ |
ပင်လုံက အချို့လမ်းနာမည်တွေက စိတ်ဝင်စားဖွယ်ရာပါ။ မြို့ဂိတ်ကနေ ဝင်သွားလို့ရှိရင် စစ်စံထွန်းလမ်း၊ သခင်မြလမ်း၊ ဦးဘချိုလမ်း၊ မန်း ဘခိုင်လမ်း၊ ဦးဘဝင်းလမ်းတို့ကို အစဉ်အတိုင်းတွေ့ရမှာပါ။ ကျဆုံးသွားတဲ့ အာဇာနည်ပုဂ္ဂိုလ်ကြီး အချို့ရဲ့ နာမည်တွေကို ဂုဏ်ပြုပြီး မည့်ထားတယ်။ ဗိုလ်ချုပ်ကြီး ခင်ညွန့် အာဏာရှိစဉ်က လုပ်ခဲ့တယ်လို့ ဆိုပါတယ်။ အဲဒီ လမ်းနာမည်တွေကို မြင်ရတာ ကြည်နူးမိပါတယ်။
ပင်လုံဟာ ခုထိလဲ မြို့ငယ်လေးပါပဲ။ ဒါပေမဲ့ သမိုင်းအတွက်တော့ သူက အရေးပါပါတယ်။ ပြည်မ တောင်တန်း ပူးပေါင်းရေး အတွက် အစည်းအဝေးကို ပင်လုံမှာ ၁၉၄၆ ခု မတ်လ (၁) ရက်နေ့မှ (၁၂)ရက်နေ့ အထိ ကျင်းပခဲ့ကြတယ်။
ဗိုလ်ချုပ်အောင်ဆန်း ခေါင်းဆောင်တဲ့ ကိုယ်စားလှယ် အဖွဲ့ဟာ လွတ်လပ်ရေးအတွက် ဗြိတျသျှ အစိုးရနှင့် ‘အောင်ဆန်း - အက်တလီ’ စာချုပ်ကို ၁၉၄၇ ခု၊ ဇန်နဝါရီလ (၂၇) ရက်နေ့တွမှာ ချုပ်ဆိုနိုင်ခဲ့တယ်။ ဒါပေမဲ့ အဲဒီစာချုပ်ရဲ့ အပိုဒ် (၃)၊ (ဂ) မှာ “တောင်တန်းဒေသ ပြည်နယ်များ အတွက်မူ သက်ဆိုင်ရာ လူမျိုးစု ခေါင်းဆောင်များ ကိုယ်တိုင်က ဗမာပြည်မနှင့်အတူ လွတ်လပ်ရေး ရယူကာ ‘ယူနီယံ’ခေါ် ပြည်ထောင်စု ပုံစံဖြင့် နေလိုကြောင်း အခိုင်အမာ စာချုပ်တစ်ခု လက်မှတ်ရေးထိုး ချုပ်ဆိုပေးကြရမည်” လို့ ဗြိတိသျှ အစိုးရက ထည့်သွင်းခဲ့တယ်။ ဒီအတွက် အစည်းအဝေး ကျင်းပဖို့ လိုလာပါတယ်။
အဲဒီ လိုအပ်လာတဲ့ အစည်း အဝေးကို ခေါင်းဆောင်တွေ ပင်လုံမှာ ကျင်းပခဲ့ကြတာပါ။ ၁၉၄၇ ခု ဖေဖော်ဝါရီလ (၃)ရက် နေ့မှာ စပြီး ကျင်းပခဲ့ကြပါတယ်တဲ့။ ဖော်ဖော်ဝါရီလ (၁၁) ရက်နေ့တွမှာ ကျင်းပတဲ့ အစည်းအဝေးကို ဗိုလ်ချုပ်အောင်ဆန်းတက်ရောက်ကာ “ပြည်နယ်များနှင့် ပြည်မ ပူးပေါင်းကာ ပြည်ထောင်စု အသွင်ဖြင့် လွတ်လပ်ရေး ရယူခြင်းသည်သာ အကောင်းဆုံးဖြစ်ကြောင်း” ရှင်းလင်း ပြောဆိုခဲ့ပါတယ်။
 |
| ပြည်မ တောင်တန်း ပူးပေါင်းရေး စာချုပ်ကျောက်တိုင် |
ရှင်းလင်းချက်ကို အားလုံး သဘောပေါက် နားလည်ကြပြီး ဗိုလ်ချုပ်အောင်ဆန်းကိုလဲ ယုံကြည် ကြတာကြောင့် ပြည်ထောင်စုမူကို လက်ခံကြတယ်။ ဒါကြောင့် ဖေဖော်ဝါရီလ (၁၂) ရက်နေ့၊ နံနက် (၁၀) နာရီမှာ ဗိုလ်ချုပ်အောင်ဆန်း အမှူးပြုတဲ့ ကိုယ်စားလှယ် (၂၃) ဦးဟာ ပြည်ထောင်စုပုံစံ လွတ်လပ်ရေး အတွက် ပင်လုံ ညီညွတ်ရေး စာချုပ်ကို လက်မှတ်ရေးထိုးခဲ့ကြပါတယ်တဲ့။ အဲဒီအတွက် “ပြည်မ တောင်တန်း ပူးပေါင်းရေးစာချုပ် ကျောက်တိုင်”ကို စိုက်ထူခဲ့ကြတာပါ။ ဒီစာချုပ်ကိုပဲ အကြောင်းပြုပြီး ပြည်ထောင်စုနေ့ ဖြစ်ပေါ်လာတာလဲ ဖြစ်ပါတယ်။
