အခက်အခဲများကို အောင်မြင်ကျော်လွှားနည်း (၁၆)

အောင်မြင်မှု ဒေါက်တိုင်

ကျရှုံးမှုများကား အောင်မြင်မှု၏ ဒေါက်တိုင်များသာတည်း။ ကျွန်ုပ်တို့၏ ကျရှုံးမှုများမှ သင်ယူခြင်းကား အောင်မြင်ပြီးမြောက်ရန် ဖြစ်သည်။ မကျရှုံးဖူးခြင်းသည် မအောင်မြင်ဖူးသေးခြင်းပင်တည်း။ ကျရှုံးမှုနှင့် ၄င်း၏ ခါးသည်းမှုကို မတွေ့ကြုံ မခံစားဖူးပါက အောင်မြင်မှု၏ ချိုမြိန်သည့် အရသာကို လုံးဝ ခံစားရမည် မဟုတ်ပေ။ ၄င်းသည် စိတ်ဝင်စားဖွယ်ရာ ကင်းသည့် အဖြစ်အပျက်များ၏ အလှည့်အပြောင်း တစ်ခုမျှသာ ဖြစ်လာပေမည်။ ကျရှုံးမှုများကား ကျွန်ုပ်တို့ကို အောင်မြင်ဖို့ ကူညီရုံသာ မက လှုပ်ရှားတတ်ကြွပြီး စိတ်အားလည်း ထက်သန်စေသည်။ ထို့ပြင် အတွေ့အကြုံလည်း ကြွယ်ဝစေပါသည်။

“ကျွန်ုပ်တို့ကား သက်ရှင်၊ လုပ်ရှား၊ အိပ်မက်တွေ မက်ထားကြတယ်။

စီမံကိန်းလေးတွေ ကိုယ်စီ လူတိုင်းမှာ ရှိကြသည်ပေါ့။

တစ်ခါတစ်ရံ ပြုံးကြ ရယ်ကြ၊

တစ်ခါတစ်ရံ မဲ့ကြ ငိုကြနဲ့

နေ့ရက်များစွာလည်း ကုန်လွန်သွားပေါ့။”

စစ်မှန်သည့် အလှတရား

ကိုယ်ကာယဆိုင်ရာ မလှပခြင်းဟာ ဆွဲဆောင်မှုရှိတဲ့ ဥပဓိရုပ်အတွက် ချို့ယွင်းချက် မဟုတ်ပါဘူး။ ရုပ်မလှတဲ့သူဟာ မေတ္တာတရားကို ပြုစုပျိုးထောင်လိုက်မယ်ဆိုလျှင် အဲဒီ မေတ္တာက အောင်ပွဲဆင် နည်းလမ်းများဖြစ်သည့် တည်ငြိမ်အေးချမ်းမှု၊ ဝင်းလက်တောက်ပမှု၊ အကြင်နာတရားနှင့် နူးညံ့သိမ့်မွေ့မှုတွေကို ထုတ်ဖော်ပြပါလိမ့်မည်။ အဲဒီလို ဆွဲဆောင်မှုမျိုးက မည်သည့် ရုပ်ရည်သွင်ပြင်ဆိုင်ရာ အားနည်းချက်မျိုးကိုမဆို အစားထိုးပေးပါလိမ့်မည်။ 

နှိုင်းယှဉ်ကြည့်လိုက်လျှင် ဟန်ပန် တစ်ခွဲသားနှင့် လူချောတစ်ယောက် သို့မဟုတ် ဘဝင်မြင့်သည့် ရုပ်ချောသူ တစ်ယောက်ဟာ နှစ်သက်ဖွယ်ရာ ကင်းလွန်းနေသည့်ပြင် ရွံရှာဖွယ်ရာ ပုံပေါက်နေပေလိမ့်မည်။ စိတ်ပိုင်းဆိုင်ရာ ဆွဲဆောင်မှုသည်သာ တကယ့် အလှတရား ဖြစ်ပါသည်။ ထိုအလှတရားမှာ ထူးခြားသည့် အရည်အသွေးနှင့် ဆွဲဆောင်မှု ရှိပါသည်။

Ven. K. Sri Dhammananda ၏ How to Overcome Your Difficulties ကို အခန်းဆက် ဘာသာပြန် တင်ဆက်ခြင်း ဖြစ်ပါသည်။ 

ဘုန်းဉာဏ်

ဆရာတော် အရှင် ဇနကာဘိဝံသ၏ တစ်ဘဝ သံသရာ စာအုပ်မှ လင်္ကာကောက်နှုတ်ချက်များ (၂)

သာသာနာတော် အတွက် ဤမျှလောက် ကြိုးစားပြီး အလုပ်တွေလုပ်ခဲ့တဲ့ ဆရာတော်ကြီးရဲ့ သူ့လုပ်ဆောင်ချက်တွေအပေါ် ထားတဲ့ သဘောထားနှင့် ရှုမြင်ပုံကလည်း အားကျ အတုယူဖွယ်နှင့် လေးစားဖွယ် ဖြစ်ရပြန်ပါတယ်။ ဘိုးဘလက်ထက်က ရခဲ့တဲ့ မြတ်ဗုဒ္ဓသာသနာတော်ရဲ့ တန်ခိုး ထပ်ပြီး မညှိုးဖို့ အားကြိုး မာန်တက် ဆရာတော်က ဆောင်ရွက်တဲ့ အကြောင်း အောက်ပါအတိုင်း ရေးတော်မူပါတယ်။ အလုပ်ကို မနေမနား လုပ်တော်မူသလောက် အပြော လျှော့ပြောတာကလည်း ကြည်ညို မြတ်နိုးဖွယ်ရာပါ။

ကိုယ်တည်း တစ်ယောက်၊ ချမ်းသာရောက်ဘို့၊ ခုလောက်ကြိုးကုတ်၊ အားမထုတ်ဘူး၊ … ဗုဒ္ဓမြတ်စွာ၊ သာသနာ၏၊ ရှေးခါ ဘိုးဘ၊ လက်ထက်ကလျှင်၊ ရသည့်တန်ခိုး၊ ထပ် မညှိုးဖို့၊ အားကြိုးမာန်တက်၊ ငါဆောင်ရွက်သည်၊ … ဆက်လက် တည်တံ့ရုံသာတည်း။

(တစ်ဘဝသံသရာ၊ စာ၊ ၃၈၉)

အခု နောက်ဆုံး အနေနှင့် ဆရာတော်ကြီးရဲ့ သံဃာတော်များသို့ လျှောက်ထားချက်ထဲက စာပိုဒ် တစ်ခုကို ဆက်လက် ဖတ်ရှု ကြည်ညိုစေချင်ပါတယ်။ ဆရာတော်ကြီးဟာ နောက်လိုက် တပည့်များ ချမ်းသာမယ် ဆိုလျင် သူကတော့ ဆင်းရဲချင် ဆင်းရဲပါစေ တဲ့။ သူတော်ကောင်း ခေါင်းဆောင်ကြီးတို့ရဲ့ သဘောထားကို ခု ဖော်ပြမည့် လင်္ကာမှာ တွေ့ရပါတယ်။

၎င်းအပြင် အလုပ်လုပ်လျှင် ကဲ့ရဲ့ခံရမှုနှင့် ချီးမွမ်းမှု တစ်ခုမဟုတ် တစ်ခု ခံရမှာ မလွဲပါပဲ။ လောကဓမ် မုန်တိုင်းကြမ်း ဒဏ်ကို ဆရာတော် အကြိမ်ပေါင်းများစွာ ခံစားခဲ့ရကြောင်း တစ်ဘဝ သံသရာစာအုပ် နောက်ပိုင်းတွင် ဆရာတော်ကိုယ်တိုင် မှတ်တမ်းတင်ခဲ့သည်။ ဒီလို လောကဓံတွေကို ဆရာတော်က ကြံ့ကြံ့ခံ ကျော်ဖြတ်တော်မူလာခဲ့ပါတယ်။ ဒီအချက်ကို ဆရာတော် ရေးထားတာက စိတ်ဓာတ်ပိုင်းဆိုင်ရာက လေးစား အတုယူဖွယ်လည်းဖြစ်၊ စိတ်အားသတ္တိည်း ပေးသည့်ပြင် ကဲ့ရဲ့ ပြစ်တင်ကြတဲ့ လောကဓံကို “မခံ့တရံ့၊  ခံ့တရံ့နဲ့၊  ကြံ့ကြံ့ပုံသေ၊   ခံခဲ့ပေ၏” လို့ ရေးသား စီကုံးထားတာလေးက မြတ်နိုးဖွယ်ရာပါ။ ဆက်ဖတ်ကြည့်ကြပါစို့။

ကိုယ်တည်းတစ်ယောက်၊  ဆင်းရဲရောက်လို့၊   ကိုယ့်နောက်  အများ၊   ချမ်းသာပွားမူ၊  တစ်ပါးဖြစ်ထွေ   ဆင်းရဲစေတော့၊ စိတ်နေခုလို၊   ဝမ်းဝယ်သို၍၊  ထိုထိုအလုပ်၊  လွန်ကြိုးကုတ်သော်၊   မဟုတ်သတင်း   လုပ်ဇာတ်ခင်းလျက်၊  ချင်းချင်းရွဲ့သံ၊   ကဲ့ရဲ့သံတို့၊   နာခံမညီး၊  ပြည်လုံးဟီးမျှ၊   ဝေးနီးအနှံ့၊  ပြန့်အောင်ဖြန့်လည်း၊  မခံ့တရံ့၊  ခံ့တရံ့နဲ့၊  ကြံ့ကြံ့ပုံသေ၊   ခံခဲ့ပေ၏ ၊ မသေမပျောက်၊  ခုချိန်ရောက်သော်၊  နောက်က  ဒကာ၊  ဒါယိကာနဲ့၊  ဆရာသမား၊  တပည့်များတို့၊ အားထားကူညီ၊  ဝိုင်းအုံပြီမို့၊   ကိုယ်သည်၎င်း၊ ကိုယ့်အပေါင်းနဲ့၊  ကိုယ်နှောင်းငယ်သား၊   တိုင်းကျိုးများဘို့၊  ဘုရားသာသနာတော် ၊  မူရင်းပေါ်အောင်၊   ဖွင့်ဖော်သင့်ကြောင်း၊   အခွင့်တောင်းသည်၊  …   အပေါင်း  ဆရာတော်ဘုရား။

(တစ်ဘဝသံသရာ၊ စာ ၃၉၄)

ခရီးသွားရင်း ဖတ်ခဲ့ မှတ်ခဲ့ဖူးတာလေးတွေထဲက  တစ်ချို့သော ကောက်နုတ်ချက်များကို မျှဝေလိုက်တာပါ။ နောင် အေးအေး ဆေးဆေး ပြန်ဖတ်ဖြစ်လျှင်တော့ ဖြည့်စွက်ခြင်း၊ သို့ မဟုတ် အသစ်ရေးတင်ခြင်းများ ပြုလုပ်ပေးနိုင်မယ်လို့ မျှော်လင့်ပါတယ်။

ဘုန်းဉာဏ်

ဆရာတော် အရှင် ဇနကာဘိဝံသ၏ တစ်ဘဝ သံသရာ စာအုပ်မှ လင်္ကာကောက်နှုတ်ချက်များ

ဒီတစ်ပတ်မှာတော့ စာရေးသူ အလုပ်နည်းနည်း ရှုပ်နေပါတယ်။ အထူးသဖြင့်တော့ စိတ်ထဲမှာ ပိုပြီး ရှုပ်နေတာပါ။ ဖတ်ရ၊ မှတ်ရ၊ ပြီးတော့ ရေးရမှာတွေနှင့် ရှုပ်နေပါတယ်။ အဲဒါတွေကြောင့်ပဲ အနားရတဲ့ အချိန်မှာလည်း ဘလော့ဂ်အတွက် မရေးနိုင် ဖြစ်ခဲ့ရတယ်။ စာလာဖတ်ကြသူတွေကိုလည်း အသစ်မတင်လို့ စိတ်ပျက်တာမျိုး မဖြစ်စေချင်ပါဘူး။ ဖတ်စရာ တစ်ခုခု တင်ပေးချင်ပါတယ်။ ဒါကြောင့် ဘာတင်ပေးရပါမလဲလို့ စဉ်းစားမိတော့ ဆရာတော် အရှင်ဇနကာဘိဝံသရဲ့ တစ်ဘဝသံသရာ စာအုပ်ထဲက ကောက်နှုတ် မှတ်သားထားတဲ့ ကဗျာ လင်္ကာတွေကို သတိယပါတယ်။

တကယ်တော့ ဒီစာအုပ်ကို ခရီးသွားရင်း တွေ့တဲ့အချိန် ကွက်တိကွက်ကြား ဖတ်ပြီး မှတ်ခဲ့တာမို့ သိပ် အများကြီး မဟုတ်သလို အစီအစဉ်လည်း မကျပါဘူး။ တကယ်က ဒီစာအုပ်က အကြိမ်ကြိမ် ဖတ် မှတ်သင့်တဲ့ စာအုပ်ပါ။ အထူးသဖြင့်တော့ ရှင်၊ ရဟန်းတွေ အတွက်ပေါ့။ ခုလောလောဆယ်တော့ ပြန်လည်း မဖတ်နိုင်သေးပါဘူး။ ဒါကြောင့် ရေးမှတ်ခဲ့ဘူးတာတွေထဲက အချို့ကို တင်ပေးလိုက်ပါတယ်။

၁။ ဗုဒ္ဓရှင်တော်မြတ်ကို သဗ္ဗညုတ ဉာဏ်တော်ရှင်လို့ ယုံကြည်ကြ ဂုဏ်ပြုကြ၊ ပုဇော်ကြပါတယ်။ အဲဒီဉာဏ်တော်က ဘယ်လိုမျိုးပါလဲ။ သဗ္ဗညုတ ဉာဏ်တော်ကြီးရဲ့ အဓိပ္ပါယ်ကို ဆရာတော်က လင်္ကာလေးနှင့် ရှင်းလင်း ဖွင့်ပြခဲ့ပါတယ်။ တစ်ချို့ကတော့ ဒီလင်္ကာကို ကျက်မှတ်ပြီး ဘုရားရှိခိုးတဲ့ အခါ ရွတ်ဆို ပူဇော်ကြပါတယ်။ စာဖတ်သူလည်း ဘုရားရှင်ကို အာရုံပြုပြီး ဒီလင်္ကာကို ဖတ်ကြည့်ပါလား။

သဗ္ဗညုတ ဉာဏ်တော် အစွမ်း သုံပါး

(က) 

သိရန်မှန်က မကျန်ရအောင်

လုံးဝစုံလင် အကုန်မြင်

သဗ္ဗဉ်ဥာဏ်တော် အစွမ်းတည်း။

(ခ) 

သိသည့်တရား များအပြား၌

ဟောထားစဖွယ် နည်းသွယ်သွယ်ကို

ချယ်လှယ်စုံလင် အကုန်မြင်

သဗ္ဗဉ်ဥာဏ်တော် အစွမ်းတည်း။

 (ဂ)

ကျွတ်ထိုက်ကြပေ များဝေနေ၏

ဣနြေ္ဒစရိုက် သူ့အကြိုက်ကို

နှိုက်ချွတ်စုံလင် အကုန်မြင်

သဗ္ဗဉ်ဥာဏ်တော် အစွမ်းတည်း။

ဉာဏ်တော်စွမ်းပကား ဤသုံးပါးကြောင့်

အများဝေနေ ကျွတ်လွတ်စေဖို့

မနေ မနား သက်တော်အားဖြင့်

ကြီးမားလေဘိ ရှစ်ဆယ်ပြည့်၍

ပရိနိဗ္ဗာန် စံသည့်တိုင်အောင် သယ်ယူဆောင်

ဘုန်းခေါင် ငါတို့ဘုရားတည်း။

၂။ ဒုတိယ အနေနှင့် ဆရာတော်ဘုရားကြီးရဲ့ သံဝေဂ လင်္ကာကို တင်ပေးလိုက်ပါတယ်။ ဒီလင်္ကာက တော်တော်များများ တွေ့ဖူးကြပါတယ်။ တစ်ချို့ဆို အလွတ်တောင် ရွတ်ဆိုနိုင်ကြပါတယ်။ သံဝေဂဆိုတာ ပွားသင့်တဲ့ အရာပါ။ အမြဲ မဟုတ်တောင် အလျှဉ်းသင့်တဲ့ အခါမှာပေါ့။ ဒါမရှိလျှင် မအိုတော့မည့်နှယ်၊ မနာတော့မည့် ပုံ၊ မသေတော့မည့် ဟန်နှင့် မေ့ချင်တိုင်း မေ့နေတတ်ကြပါတယ်။ (ဘုန်းဉာဏ် ဖြစ်နေတာကို ကြည့်ပြောတာပါ)။ လယ်တီ ဆရာတော် ဘုရားကြီး စကားတော်နှင့် ပြောရလျှင်တော့ “နင် ယခု မေ့ပုံလို၊ တွေ့မကြုံ စခန်း” ပါပဲ။ ဒါကလည်း ပုထုဇဉ်တို့ရဲ့ သဘာဝပေကိုး။ ဒီတော့ အကျိုးဆက်က “ပါယ်လေးဝ သောကဘုံမှာ၊ မျောရရုံ ရှိတော့ ခမန်း” ပေါ့။

ဒါကြောင့် “မဟာဂန္ဓာရုံဆရာတော်ဘုရား နောက်ဆုံးညွန်ကြားသွားသည့် သံဝေဂတရားတော်” ကို ဖတ်ကြည့်ပြီး သံဝေဂ ပွားများကြည့်စေချင်ပါတယ်။

၁။ ငါတို့နေရာ ဤကမ္ဘာ တဏှာအုပ်စိုးသည်။

၂။ တဏှာစေရာ မနေသာ ဖွေရှာဆက်ရသည်။

၃။ ရသည့်ဥစ္စာ ချစ်သူပါ စွန့်ခွါသွားရမည်။

၎။ တကယ့်အရေး တကယ့်ဘေး ဘယ်သွေး ဘယ်သား မကယ်ပြီ။

၅။ ငါနှင့် ရွယ်တူ ငါ့အောက်လူ ကြီးသူသေကြ များလှပြီ။

၆။ ခဏမစဲ အိုစမြဲ ကိုယ်လဲ သေဖက်နီးခဲ့ပြီ။

၇။ ဇရာမီးတောင် ကိုယ်တည်းလောင် သေအောင်မြိုက်တော့သည်။

၈။ မသေရခင် သွားလမ်းစဉ် ကြိုတင် ပြင်သင့်ပြီ။

၉။ ဒါန သီလာ ဘာဝနာ လမ်းသာထွင်လိမ့်မည်။

၁၀။ မဂ္ဂင်ယဉ်ကြီး အမြန်စီး ခရီးထွက်တော့မည်။

                                                                                                                         

ခု တခါ  ဆရာတော် ဘုရားရဲ့ အဓိဋ္ဌာန်နှင့်ကို ဖတ်ကြည့် ကြည်ညိုကြရအောင်လား။ ဆရာတော်ဟာ ပိဋကတ်တော်တွေကို နေ့မနား ညမအား ပို့ချ ရေးသားတော်မူခဲ့ပါတယ်။ ခိုင်ခံ့တဲ့ ကျမ်းကြီးပေါင်း (၇၀) ကျော်ကို ရေးသားသွားတော်မူခဲ့ပါတယ်။ ဘဝနတ်ထံ ပျံလွန်တော်မူခါနီး ရက်ပိုင်းလေး အလိုအထိကို စာရေး စာသင်သွားခဲ့တဲ့ ဆရာတော်ကြီးပါ။ ခုဆိုလျှင် ဆရာတော်ရဲ့ စာအုပ်ကို မဖတ်ဖူး မလေ့လာဖူးတဲ့ ရှင် ရဟန်းဆိုတာ မရှိတော့လောက်အောင်ကို သာသနာတော်အတွက် အကျိုးပြုပါတယ်။

ဒီလို ဆရာတော်ကြီးရဲ့ အဓိဋ္ဌာန်က

ဗုဒ္ဓမြတ်စွာ   လောင်းလျာတုန်းက   နောက်ဆုံးအထိ  ပါရမီ၊

လူ နတ်များစွာ   ချမ်းသာရေးကို  အသက်ပေး၍  ပြုခဲ့သည်။

ဗုဒ္ဓမြတ်စွာ   သာသနာအတွက်တော့  ငါပါ အသက်ဆုံးစေမည်၊

နောက်မဆုတ်ပေါင်   ခုလိုတွေးလို့  ကုသိုလ်ရေးမို့  ကြိုးစားမည်။

 (တစ်ဘဝသံသရာ၊ စာ၊ ၃၇၂)

ကောက်နုတ်ချက် အပိုင်း (၂) ကို ဆက်ပါဦးမည်။

ဘုန်းဉာဏ်