ကံတရားပေးတဲ့ သင်ခန်းစာတွေ

ကမ္မနိယာမကို ပိုမိုသဘောပေါက်လေလေ မိမိတို့၏ ကိုယ် နှုတ် စိတ်တို့ကို မည်သို့ သတိထားရမည်ကို သိမြင်သဘောပေါက်လေလေ၊ ကျွန်ုပ်တို့သည် လူသားများအပေါ် မည်သို့မည်ပုံ တာဝန်ရှိုသည်ကို သိလေလေ ဖြစ်ပါသည်။ ဒီအသိအလိမ္မာဖြင့် ဆင်ခြင်စဉ်းစားပြီး နေထိုင်ခြင်းအားဖြင့် ကမ္မဝါဒကပေးသည့် သင်္ခန်းစာအချို့ကို လေ့လာသင်ယူကြရပါသည်။

၁။ ခန္တီ

ကမ္မနိယာမနှင့် နေထိုင်ခြင်းအားဖြင့် ဤနိယာမသည် အကျွန်ုပ်တို့၏ မဟာမိတ်ကြီး ဖြစ်သည်ကိုလည်းကောင်း၊ ဤနိယာမနှင့်အတူ လုပ်ကိုင်ဆောင်ရွက်ခြင်းအားဖြင့် မည်သည့် ဘေးဥပါဒ်မျှ အကျွန်ုပ် တို့ထံ ရောက်မလာသည်ကို သိသဖြင့်လည်းကောင်း၊ အချိန်တန်ပါက ၎င်းသည် အကျွန်ုပ်တို့အား ကောင်းချီးပေးတတ်သည်ကို လည်း သိသဖြင့်လည်းကောင်း၊ စိတ်လှုပ်ရှားရန် မဟုတ်မူပဲ သီးမခံခြင်းသည် တိုးတက်မှု၏ အဟန့်အတား ဖြစ်သည်ကို သိသည့် အတွက် သီးခံခြင်တည်းဟူသော သင်္ခန်းစာမြတ်ကို ကျွန်ုပ်တို့ လေ့လာ သင်ယူကြရပါသည်။

ဆင်းရဲဒုက္ခခံစားရခြင်းအားဖြင့် ကျွန်ုပ်တို့သည် အကျွေးတစ်ခုကို ဆပ်နေ ကြရပါလားဆိုတာ သိကြရပါသည်။ ထို့ပြင် ကျွန်ုပ်တို့သာ အသိဉာဏ်ရှိလျှင် အနာဂတ်ကာလအတွက် နောက်ထပ် ခံစားရမည့် ဒုက္ခများ မဖန်တီးရန် သင်္ခန်းစာ ယူကြရပါသည်။ ချမ်းသာသုခ ခံစားကြရရာတွင် ၎င်း၏ ချိုမြိန်ကောင်းမြတ်မှုကို ကျေးဇူးတင်ကြ ရပါသည်။ ထို့ပြင် ကျွန်ုပ်တို့သာ အသိဉာဏ်ရှိပါက ပိုကောင်းမြတ်ရန်ပင် သင်ယူနိုင်ပါသည်။ သည်းခံခြင်းတရားကား ငြိမ်းချမ်းမှု၊ အောင်မြင်မှု၊ ချမ်းသာသုခနှင့် ဘေးကင်း လုံခြုံမှုတို့ကို မွေးဖွားပေးပါသည်။

၂။ ယုံကြည်မှု

ကမ္မနိယာမသည် တရားမျှတပြီး ပြီးပြည့်စုံမှုရှိရကား နားလည်နိုင်စွမ်း ရှိသော ပုဂ္ဂိုလ်အတွက် ဘဝင်မကျနိုင်စရာ မရှိနိုင်ပေ။ ဘဝင်လည်းမကျ၊ ယုံကြည်မှုလည်း မရှိသေးဆိုပါက ကမ္မနိယာမ၏ သဘာဝကျမှုကို ကျွန်ုပ်တို့ နားမလည်သေးကြောင်းကို ပြသနေပါသည်။ တကယ်တော့ ကမ္မနိယာမ၏ အတောင်အလက် အောက် တွင် ကျွန်ုပ်တို့တစ်တွေမှာ အတော်ပင် လုံခြုံပါသည်။ မိမိ၏ အမှားအယွင်းပြုလုပ်မှုများမှ လွဲ၍ အပြောကျယ်လှသော စကြာဝဠာ ကြီးတွင် ဘာမျှကြောက်စရာမရှိပေ။ ဤနိယာမသည် လူသားကို သူ့ခြေထောက်ပေါ် သူရပ်တည်စေပြီး မိမိကိုယ်ကိုယ် ယုံကြည်မှု ကိုလည်း နှိုးဆွပေးပါသည်။ ယုံကြည်မှုသည် (ကျွန်ုပ်တို့အား) ပိုမိုအားကောင်းလာစေသည်။ သို့တည်းမဟုတ် ကျွန်ုပ်တို့၏ ငြိမ်းချမ်းမှုနှင့် ချမ်းသာသုခကို ကြီးကျယ်စေပြီး ကျွန်ုပ်တို့အား သက်တောင့်သက်သာရှိမှုနှင့် ရဲရင့်မှုတို့ကို ဖြစ်စေပေသည်။ ကမ္မနိယာမကား ဘယ်ကိုပဲ သွားသွား ကျွန်ုပ်တို့အား ကာကွယ်ပေးသူဖြစ် ပေတော့သည်။


၃။ မိမိကိုယ်ကိုယ်မိမိ အားကိုးမှု

ကျွန်ုပ်တို့သည် ကျွန်ုပ်တို့ ယခုဖြစ်နေကြရသည့်အတိုင်ဖြစ်စေရန် အတိတ်ကာလတုန်းက ကျွန်ုပ်တို့ဖန်တီးခဲ့သလို ယခု ကျွန်ုပ်တို့ ပြုလုပ်နေသည့်အရာက အလားတူပင် ကျွန်ုပ်တို့၏ အနာဂတ်ကို ဖန်တီးပေလိမ့်ဦးမည်။ ဤအချက်ကိုသိမှုနှင့် အနာဂတ် ၏ ဂုဏ်ကျက်သရေကား အတိုင်းမဲ့ဖြစ်ချေသည်ဟု သိမြင်နားလည်မှုက မိမိကိုယ်ကိုယ်မိမိ အားကိုးအားထား ပြုမှုကြီးကို ပေးအပ် ပြီး၊ ပြင်ပအကူအညီတောင်းခံလိုမှုကို ယူဆောင်သွားပါတော့သည်။ အမှန်တော့ ပြင်ပအကူအညီဆိုသည်မှာ လုံးဝ မရှိပါချေ။ “ဖြူစင်မှု၊ မဲညစ်မှုဆိုသည်ကား မိမိနှင့်သာ သက်ဆိုင်သည်။ မည်သူတစ်ဦးတစ်ယောက်ကမျှ အခြားတစ်ယောက်ကို ဖြူစင် သန့်ရှင်းအောင် လုပ်မပေးနိုင်“ ဟု ဗုဒ္ဓရှင်တော်မြတ်က ဟောကြားတော်မူထားပါသည်။

၎။ သံဝရ(စောင့်ထိမ်းမှု)တရား

ဟုတ်တာပေါ့၊ ကျွန်ုပ်တို့ ပြုလုပ်ကြသည့် မကောင်းမှုသည် ကျွန်ုပ်တို့အား ပြန်လည် ထိမှန်လာမည်ကို သဘောပေါက် ပါက မကောင်းတာ၊ မဖြူစင်တာ၊ မမှန်တာကို မပြုလုပ် မပြောဆို မကြံမိစေရန် အလွန်မှ ဂရုစိုက်ရပေလိမ့်မည်။ ကံအကြောင်း သိသည့် အသိပညာက အများအတွက်ရော ကျွန်ုပ်တို့ကိုယ်တိုင်အတွက်ပါ အမှားမှား အယွင်းယွင်း ပြုလုပ်ခြင်းမှ တားဆီး ထိန်း ချုပ်ပေးပေလိမ့်မည်။

၅။ စွမ်းအင်သတ္တိ

ကံအကြောင်း တရားတော်ကို ကျွန်ုပ်တို့ဘဝများ၏ အစိတ်အပိုင်းအဖြစ် များများလုပ်နိုင်လေလေ စွမ်းအင်သတ္တိ ပိုရ လေလေပါပဲ။ ထိုစွမ်းအင်သတ္တိသည် ကျွန်ုပ်တို့ အနာဂတ်ကို လမ်းညွှန်ပေးရုံသာမဟုတ်၊ ကျွန်ုပ်တို့အချင်းချင်းကို ပိုမိုထိရောက်စွာ ကူညီနိုင်စေရန်လည်း ဖြစ်ပေသည်။ ကောင်းမြတ်သောကံကို ကျင့်သုံးခြင်းသည်ကား ပြည့်ပြည့်ဝဝ ပွားများအပ်ပြီးသောအခါ၌ မကောင်းမှု ဒုစရိုက်များ၊ ကန့်သတ်ချက်များကို အောင်မြင် ကျော်လွားနိုင်ရန်လည်းကောင်း၊ ကျွန်ုပ်တို့၏ ပန်းတိုင်ဖြစ်သည့် နိဗ္ဗာန်နှင့် ဝေးကွာအောင် ချည်နှောင်ထားသည့် အနှောင်အဖွဲ့ သံယောဇဉ်အားလုံးကို ဖြိုဖျက်ပစ်ရန်လည်းကောင်း ထောက်ကူပေး မည် ဖြစ်ပါသတည်း။

(ဆရာတော် ဦးသေဋ္ဌိလ၏ “Essential Themes of Buddhist Lectures“ မှ Lessons Taught by Kamma ကို ဘာသာပြန်ဆိုပါသည်။

ဘုန်းဉာဏ်
Tuesday 16/ 02/ 2010