အခက်အခဲများကို အောင်မြင်ကျော်လွှားနည်း (၁၁)

မကောင်းမှုကို ကောင်းမှုနှင့် အစားထိုးခြင်း

သင့်ရဲ့ ရန်သူတွေကို ဖယ်ရှား ရှင်းပစ်ချင်တယ်ဆိုလျှင် သင့်ထဲမှာရှိတဲ့ အကြီးဆုံး ရန်သူဖြစ်တဲ့ ဒေါသကို ပထမဆုံး သတ်ပစ်ရမည်။ သင်၏ ရန်သူများက အာရုံနှောက်တာကို သင် တုန်လှုပ်ချောက်ချားနေလျှင် သင်သည် ရန်သူ့ထောင်ချောက်ထဲကို အမှတ်တမဲ့ ဝင်ရောက်သွားခြင်းအားဖြင့် ရန်သူများ၏ ဆန္ဒကို ဖြည့်ဆည်းပေးနေရာ ရောက်ပါတယ်။

သင့်ကို ချီးမွမ်းထောမနာပြုတဲ့လူ၊ ကူညီတဲ့လူ၊ ပြီးတော့ သင်နှင့် နီးနီးကပ်ကပ် ပေါင်းသင်းဆက်ဆံတဲ့လူတွေဆီမှသာ လေ့လာသင်ယူနိုင်တယ်လို့ မထင်ပါနဲ့။ သင့်ရန်သူများထံမှလည်း အရာများစွာကို လေ့လာသင်ယူလို့ ရပါတယ်။ သင့် ရန်သူတွေ ဖြစ်တာကြောင့်မျှတော့ သူတို့တွေဟာ လုံးဝဥဿုံ မှားတယ်လို့ မတွေးလိုက်ပါနဲ့။ သူတို့မှာလည်း ကောင်းတဲ့ အရည်အချင်းတွေ ပိုင်ဆိုင်နေနိုင်တာပါပဲ။

မကောင်းမှုကို မကောင်းမှုနှင့် တုန့်ပြန်ခြင်းအားဖြင့် သင့် ရန်သူတွေကို သင် ဖယ်ရှားမပစ်နိုင်ပါဘူး။ ဒီနည်းနှင့်တော့ ရန်သူပွားအောင် လုပ်ရာသာ ရောက်ပါလိမ့်မယ်။ သင့် ရန်သူများကို အောင်နိုင်ဖို့ အကောင်းဆုံးနည်းကတော့ ကရုဏာနှင့်ယှဉ်တဲ့ မေတ္တာတရားကို သူတို့အပေါ်မှာ ပွားများပေးဖို့ပါပဲ။ ဒီလိုလုပ်တာဟာ မဖြစ်နိုင်ပါဘူး ဒါမှမဟုတ် အဓိပ္ပါယ် တစ်စုံတရာ မရှိဘူးလို့ သင် ထင်ကောင်း ထင်နိုင်ပါတယ်။ ဒါပေမဲ့ ဒီနည်းဟာ ယဉ်ကျေးတဲ့ လူတိုင်းရဲ့ ပွဲတွေ့နည်းပဲ ဖြစ်ပါတယ်။ သင့်ကို အလွန် ဒေါသထွက်နေတဲ့ လူ တစ်စုံတစ်ယောက် ရှိတယ်လို့ သိရတဲ့အခါ အရင်ဆုံး အဓိက အကြောင်းကို ကြိုးစား ရှာဖွေသင့်တယ်။ သင့်အမှားကြောင့် ဖြစ်ရတယ်ဆိုလျှင် အဲဒါကို ဝန်ခံသင့်ပြီး သူ့ကို တောင်းပန်ဖို့ရာ တွန့်ဆုတ်မနေပါနဲ့။ အဲဒီလို စိတ်ဆိုးတာဟာ သင်တို့နှစ်ယောက်ကြားမှာ တစ်စုံတစ်ရာသော နားလည်းမှုလွဲမှားခြင်းကြောင့် ဖြစ်တယ်ဆိုရင်တော့ ပွင့်ပွင့်လင်းလင်း ဆွေးနွေးပြီး သူ့ကို အမြင်ရှင်းစေရပါမယ်။

မနာလိုမှုကြောင့် ဖြစ်တယ်ဆိုလျှင်တော့ ကရုဏာနှင့်ယှဉ်တဲ့ မေတ္တာကိုသာ ကြိုးစား ပွားများပါလေ။ မေတ္တာဓာတ်များဖြင့် အောင်မြင်နိုင်ပါသည်။ အဲဒီမေတ္တာဓာတ်က ဘယ်လို အလုပ်လုပ်တာပါလိမ့်လို့ သင် နားလည်နိုင်စွမ်း ရှိချင်မှ ရှိမှာပါ။ ဒါပေမဲ့ လူပေါင်းများစွာရဲ့ အတွေ့အကြုံတွေက ဒီနည်းဟာ စွမ်းအား အကြီးမားဆုံး၊ ပညာသား အပါဆုံးနှင့် အလွယ်ကူဆုံးနည်းဖြစ်ကြောင်း ပြသပြီး ဖြစ်ပါတယ်။ ဗုဒ္ဓဘာသာကလည်း ဒါကို ကောင်းကောင်းကြီး ထောက်ခံထားပါတယ်။ ဒါကို လုပ်ဖို့ကတော့ ယုံကြည်မှုနှင့် သင့်ကိုသင် စိတ်ရှည်မှုကတော့ ရှိကို ရှိရမှာ အမှန်ပဲ ဖြစ်ပါတယ်။ ဒါကို လုပ်ခြင်းအားဖြင့် သင်ဟာ သင့် ရန်သူကို သူမှားကြောင်း နားလည်အောင် စွမ်းဆောင်နိုင်ပါလိမ့်မည်။ ထို့အပြင် ရန်လိုမှုကို သင့်နှလုံးသားမှာ ဝင်ခွင့်မပေးတဲ့အတွက် သင်လည်း နည်းပေါင်းများစွာဖြင့် အကျိုးခံစားရမှာ ဖြစ်ပါတယ်။